БНХАУ-ын баруун хойд нутгийн Шэньси мужийн Шиань хотод байрлах Шэньсийн түүхийн музейд “Алтан урлаг: Эллинизмийн үеийн гоёл чимэглэл” (Art in Gold: Jewellery in Hellenistic Times) сэдэвт түүх, соёлын томоохон үзэсгэлэн ням гарагт (2026.06.14) албан ёсоор үүд хаалгаа нээлээ.
Грекийн 25 музей болон археологийн хүрээлэнгүүдээс цуглуулсан ховор нандин, түүхэн ач холбогдол бүхий нийт 250 гаруй олдвор, иж бүрдэл үзмэрүүдийг энэхүү үзэсгэлэнгээр олон нийтийн хүртээл болгож байгаа юм.
Үзэсгэлэнгийн хугацаа: 2026 оны 6 дугаар сарын 14-ний өдрөөс эхлэн 11 дүгээр сарын 29-ний өдрийг дуустал үргэлжилнэ.
Нээлтийн өдрөөр орон нутгийн иргэд болон жуулчид Эртний Грекийн соёл, алт урлалын гайхамшигт бүтээлүүдийг сонирхохоор Шэньсийн түүхийн музейг олноор зорин иржээ. Энэхүү арга хэмжээ нь Хятад, Грек хоёр улсын соёлын солилцоог гүнзгийрүүлэхэд чухал хувь нэмэр оруулж буйг зохион байгуулагчид онцолж байна.
Эх сурвалж: globaltimes
