Нийслэлийн статистикийн газраас хүнсний барааны үнийн ажиглалтын мэдээллийг долоо хоног бүр шинэчлэн гаргадаг.
Тэгвэл тус ажиглалтын мэдээллээс энэ оны нэг болон гуравдугаар сарын хүнсний барааны үнэд гарсан өөрчлөлтийг харьцууллаа.
Тодруулбал, 2021 оны нэгдүгээр сарын 13-н, гуравдугаар сарын 17-ны өдөр нийслэлийн төвийн зургаан дүүрэгт байрладаг 17 хүнсний зах, худалдааны төвд хийсэн 36 нэр төрлийн хүнсний бараа бүтээгдэхүүний үнэд тус тус ажиглалт хийсэн байсныг нэгтгэв.
Харьцуулалтаас харвал гурван сарын хугацаанд 19 барааны үнэ өсөж, 6 барааных буурсан бол 11 барааных тогтвортой байна. Ингэхдээ үхрийн цул махны үнэ 2,153 төгрөгөөр буюу хамгийн их, дараагаар нь хонины цул махны үнэ 1,075 төгрөг, адууны ястай махны үнэ 1,175 төгрөгөөр тус тус өсжээ.
+ There are no comments
Add yours