Сүүлийн үеийн шинэ судалгаагаар AstraZeneca вакцин 65 болон түүнээс дээш настай хүмүүст үр дүнтэй байгаа нь батлагджээ. Тиймээс Өмнөд Солонгос улс AstraZeneca вакциныг дээрх насныханд хэрэглэхийг зөвшөөрч, татан авалтыг нэмэгдүүлэхээр ажиллаж байгаа гэж Yonhap агентлаг мэдээллээ.
Их Британи Шведийн томоохон эм үйлдвэрлэгч AstraZeneca болон Оксфордын их сургуулийн хамтран бүтээсэн AstraZeneca вакциныг эхэндээ БНСУ-ын халдварт өвчний хяналт урьдчилан сэргийлэх агентлагаас /KDCA/ эмнэлзүйн дата дутуу гэх шалтгаанаар ахмад настнуудад хийхээс татгалзаж байсан билээ.
БНСУ эхний ээлжинд АstraZeneca вакциныг эрүүл мэндийн ажилтнууд, удаан хугацаанд асрамжийн газар эмчлүүлсэн өвчтөнүүдэд хийх ажээ.
Их Британийн эрүүл мэндийн байгууллагууд АstraZeneca вакциныг нэг удаагийн тунгаар хийсний дараа 80-аас дээш насны хүмүүст коронавирусын эсрэг халдвараас сэргийлэхэд 70 гаруй хувийн үр дүн үзүүлж байна гэж мэдэгджээ.
Шотланд улсаас хийгдсэн судалгаагаар АstraZeneca вакцин нь ахмад настнуудад халдвараас урьдчилан сэргийлэхэд хамгийн өндөр буюу 94 хувийн үр дүнтэй нь батлагджээ.
Эх сурвалж: Yonhap agency
+ There are no comments
Add yours