“Жагсагчдыг шууд буудах тушаал ирсэн”

“Цагдаа нарыг жагсагчид руу гал нээж, буудахыг тушаасан. Би чадахгүй гэдгээ хэлсэн. Ямар ч гэм зэмгүй хүмүүсийн цус урсаж байгааг хараад тийм аймшигтай чөтгөрийн гэмээр үйлийн нэг хэсэг болохыг ухамсар минь зөвшөөрөөгүй. Цугларсан олон гэмгүй хүмүүсд хүч хэрэглэж, буудаж, найз нөхдөө баривчилж чадаагүй болохоор бид энд дүрвээд ирчихсэн нуугдаж байна.

Би цагдаагийн ажилдаа хайртай. Гэхдээ одоо тэр тогтолцоо үгүйрч бид ажлаа үргэлжлүүлж хийх боломжгүй болсон” хэмээн Мьянмараас ердөө 16-хан км зайтай Энэтхэгийн Мизорам мужид зугтаж ирээд, нуугдаж байгаа Мьянмар цагдаа BBC-Д ярьжээ. Мьянмарт цэргийн эргэлт гарч, эсэргүүцсэн олон энгийн иргэд, жагсагчид буудуулж нас бараад байгаа билээ.