Эрүүл мэндийн ахлах шинжээч Д.Нарангэрэл коронавирусын вакцинжуулалтын талаар мэдээлэл өглөө. Тэрбээр хэлэхдээ” Одоогийн байдлаар 99 улс оронд 218 сая хүнийг коронавирусын эсрэг вакцинаар дархлаажуулжээ. Энэ нь өдөрт дунджаар 6.14 сая хүн вакцинжуулалтад хамрагдаж байна гэсэн үг.
Манай улсын хувьд АстраЗенека вакцинаар дархлаажуулалт эхлээд хоёр хонож байна. Эхний удаад зорилтод бүлгийн 16 байгууллагын 14,092 хүнийг хамруулахаар төлөвлөсөн. Өнөөдрийн байдлаар 3,112 хүн хамрагдаад байна. Энэ нь вакцинжуулалтанд хамруулахаар төлөвлөсөн 22 хувийг эзлээд байна. Ямар ч вакцин хийлгэсний дараа биеийн ерөнхий хариу урвалын шинж тэмдэгүүд илэрдэг. Жишээлбэл: халуурах, булчин өвдөх, толгой өвдөх, чичрүүдэс хүрэх, даарах бүх би? үе мөч өвдөх, ядрах, хамар битүүрэх, хэсэг газарт улайх зэрэг шинж тэмдэг багтаж байна. Вакцин хийлгэснээс хойш 2-3 хоногт алга болдог. Хэрвээ тухайн шинж тэмдэгүүд илэрвэл 119 болон вакцин хийлгэсэн харьяа эрүүл мэндийн төвийн эмчид хандаж зөвлөгөө авах боломжтой” гэлээ.
+ There are no comments
Add yours