Цагаан сараар 128 бөх зодоглоно

Сар шинийн уламжлалт барилдааныг 2021 оны 02-р сарын 11-ний өдөр бөхийн өргөөнд зохион байгуулахаар болжээ. Энэхүү барилдаанд Улс аймгийн цолтой 128 бөх зодоглоно. Цар тахлын үед зохион байгуулагдаж байгаа учраас үзэгчгүй зохион байгуулах аж. Ингэхдээ Улсын Онцгой Комисс, Нийслэлийн Онцгой Комиссоос гаргасан зөвлөмж, шийдвэр, журмыг чанд даган мөрдөн ажиллахаа МҮБХ мэдэгджээ. Уламжлалт сар шинийн бөхийн барилдаанд үндэсний бөхийн цолтны төлөөллүүд оролцоно. Нэрсийг МҮБХ 2021 оны 02-р сарын 03-ны өдөр УОК, НОК-д гаргаж өгөх бөгөөд барилдаанд ажиллах жаяг дэгийн баг, үйлчилгээний ажилтнууд, барилдах бөхчүүд Хавсралт 1-д заасан хуваарийг дагаж мөрдөхөөр болжээ.