Согтууруулах ундаа хэрэглэсэн үедээ автомашин жолоодож гэрлийн шон мөргөсний улмаас машиныхаа төмөр хийцэд хавчуулагдсан осол гарчээ.

Тодруулбал, Хан-Уул дүүргийн 2 дугаар хорооны нутаг дэвсгэрт зам тээврийн осол гарч, нэг хүн автомашины бүхээгийн төмөр хийцэд хавчуулагдсан байна гэсэн дуудлага шөнийн 01:47 цагт Онцгой байдлын газарт ирсэн байна.

Дуудлагын дагуу нийслэлийн Аврах 105 дугаар ангийн алба хаагчид очиход тус дүүргийн харьяат согтууруулах ундаа хэрэглэсэн 26 настай, эрэгтэй “Тоёота Вресо” загварын суудлын автомашинаар гэрэлтүүлгийн шон мөргөж, автомашины бүхээгийн төмөр хийцэд хавчуулагдсан байжээ.

Алба хаагчид түүнийг хавчуулагдсан төмрөөс 5 минут орчим ажиллан гаргаж эмнэлгийн анхан шатны тусламж үзүүлэн ГССҮТ-д хүлээлгэн өгсөн гэж ОБЕГ-аас мэдээллээ.

Энэ оны эхний 11 сарын байдлаар согтууруулах ундааны зүйл хэрэглэсэн үедээ тээврийн хэрэгсэл жолоодсон 26,129 зөрчлийг хяналт шалгалтаар илрүүлжээ.

Мөн 1,094 жолооч согтууруулах ундааны зүйл хэрэглэсэн үедээ тээврийн хэрэгсэл жолоодсоны улмаас зам тээврийн осол гаргаж 243 хүний эрүүл мэндэд хохирол учруулан 111 хүний амь насыг хохироосон талаар Тээврийн цагдаагийн албанаас мэдээлэв.

Иймд иргэдийг согтууруулах ундаа хэрэглэсэн үедээ тээврийн хэрэгсэл жолоодохгүй байхыг анхааруулж байна.

Leave a Reply

Your email address will not be published. Required fields are marked *

Previous post УОК, Засгийн газар хуралдана
Next post С.Ганбаатар: Оюутолгойн нэг сарын орлогоор Монголчуудыг вакцинжуулах боломж байна

More Stories

Монгол Улсын Ерөнхийлөгч, ҮАБЗ-ийн тэргүүн У.Хүрэлсүх Баян-Өлгий аймгийн удирдлагууд, шүүх, прокурор, хууль, хяналтын байгууллагуудын дарга нарт үүрэг, даалгавар өглөө.

Пүрэв Дашдорж
2 weeks Ago

Хэн ч үндэс угсаа, нийгмийн гарал, шашин шүтлэг, үзэл бодлоороо гадуурхагдах ёсгүй. Энэ бол Үндсэн хуулийн зарчим. Үндэсний аюулгүй байдалд...