Т.Мөнхсайхан: Нэг өрх, нэг иргэн шинжилгээг 415,000 өрхөд хийх нь утгагүй арга барил

“Халдварыг цурманд оруулах, корона вирусын халдварыг устгасан гэдэг хоёр өөр асуудал.  Өдөрт 47-оороо илэрч байсан хуучин тархалтыг хумьж, 12 сарын 14 гэхэд өдөрт илрэх тоо нэг, хоёроор  тоологддог болсон. Шинэ голомт маань эмнэлэг дээр гарч, өргөн хүрээг хамрах боломжтой болсон тул бид ийм хөл хорио тогтоох арга хэмжээ авч байна. Халдварын голомт болж байсан Сэлэнгэ аймгаас сүүлийн гурван хоногт халдвар илрээгүй байна. Ерөнхий анх үүсэж байсан халдварын голомтуудын хумьсан. Улаанбаатар хотдоо нийтийг хамарсан халдвар болгочихгүйн тулд авах ёстой арга хэмжээнүүдээ авч байгаа.”

“Нэг өрх, нэг иргэн шинжилгээг 415,000 өрхөд хийх нь утгагүй арга барил гэж харж байна. Халдвар маань нийтийг хамарсан халдвар биш голомтот халдвар хэвээр байгаа. Халдвар маань хаанаас үүссэн, хавьтлууд бүгдээрээ тодорхой байгаа. Бид нар 1500 хүнд писиар-ын шинжилгээ хийгээд 62 халдвартай хүнийг илрүүлчихсэн. Тийм учраас бид Улаанбаатарын 415,000 өрхөд шинжилгээ хийж 40 халдвартай хүн илрүүлэх нь үр ашиггүй, шаардлагагүй арга барил учраас бүх өрхөд шинжилгээг хийхгүй. Нийтийг хамарсан тархал болголгүй шинээр үүссэн голомтыг хумих боломжтой.”