Дэлхийн орчин үеийн холимог тулааны хамгийн алдартай тамирчдын нэг Конор Макгрегор ОХУ-ын тулаанч Хабиб Нурмагомедовыг гайхалтай тулаанч хэмээн хэлжээ. Тэрбээр өөрийн твиттер хуудастаа “Гайхалтай тулаанч. Тэр энэ спортдоо хамгийн шилдэг нь” хэмээн жиргэсэн байна.
Хабиб Нурмагомедов, Жастин Гэйжа нарын тулааны дараа тэрбээр цахим хуудастаа Америкийн тулаанч гутамшигтай хэмээн жиргэсэн ч удалгүй жиргээгээ устгажээ.
Өнгөрсөн аравдугаар сарын 24-ний өдөр Нурмагомедов Америкийн тулаанч Гэйжатай тулалдаж, ялалт байгуулсан билээ. Тэрбээр тулааны дараа их спортоос зодог тайлж буйгаа зарласан юм.
Нурмогомедов дэлхийн холимог тулааны урлагийн бүх цаг үеийн шилдэг тулаанчдын жагсаалтыг тэргүүлж буй юм. Тэрбээр 29 тулаанд орж, 29 ялалт байгуулсан билээ.
+ There are no comments
Add yours