23 настай эмэгтэй самар түүхээр яваад сураггүй алга болжээ

• НийслэлийнБаянзүрх дүүргийн 23 дугаар хороо Улиастайн амны Шургуут  гэдэг газар  өчигдөр 23 настай эмэгтэй Т самар түүхээр яваад сураггүй алга болжээ. Нийслэлийн Онцгой байдлын газрын аврах ангийн алба хаагчид, Улиастайн амны байгаль хамгаалагчийн хамт аврах ажиллагааг эхлүүлсэн.

Дорнод аймгийн Баян-Уул сумын Заяат багийн Ар хонхор гэдэг газар есдүгээр сарын 23-ны өдөр сэтгэцийн эмгэгтэй 51 настай эрэгтэй Т сураггүй алга болжээ. Тэрбээр эмийн ургамал түүнэ гэж гэрээсээ явганаар гараад сураггүй алга болсон байна. Тэгвэл Онцгой байдлын Ерөнхий газрын алба хаагчид аравдугаар сарын 6-ны өдөр сумын төвөөс  зүүн хойд зүгт 13 км-т талийгаачийг цогцсыг олж Цагдаагийн байгууллагад хүлээлгэн өгчээ.