Өчигдөр Москва хотоос зүүн өмнө зүгт Рязань хот орчимд байдаг зэвсгийн томоохон агуулахад гал гарч, дэлбэрсний улмаас ойролцоох тосгоны 2,000 гаруй иргэдийг нүүлгэжээ.

Ослын үеэр хүний амь үрэгдээгүй, таван хүн шархдсан тухай орон нутгийн эрх баригчид мэдээлсэн байна. Галыг унтраахаар 400 гаруй хүн ажиллаж байгаа гэнэ.

Анх хуурайшилтаас үүдэлтэй хээрийн түймэр гарсан нь агуулахад хүрч, дотор нь хадгалагдаж байсан их хэмжээний сум, зэвсэг дараалан дэлбэрсэн байна.

Агуулахад нийт 75,000 тонн зэр зэвсэг байжээ.

Лхагва гарагийн үдээс хойш Москва орчмоос гал сөнөөгчдийг, сүүлийн үеийн машин техникийн хамт хүч нэмэгдүүлэхээр илгээсэн байна.

Мөн ОХУ-ын онцгой байдлын сайд Евгений Зиничев ослын газарт биеэр очжээ. Лхагва гарагийн орой орон нутгийн удирдлага нөхцөл байдлыг хяналтдаа оруулсныг мэдээлсэн байна.

Ослын төв цэгээс 5 км радиус дотор амьдардаг нийт 2,300 орчим хүнийг нүүлгэн шилжүүлжээ.

 

Эх сурвалж: AFP

Leave a Reply

Your email address will not be published. Required fields are marked *

Previous post ​”Нөхөн сэргэлт 2024″ үйл ажиллагааг хэрэгжүүлнэ
Next post Торгуулиа төлөөгүй тээврийн хэрэгслийг замын хөдөлгөөнд оролцоход нь хязгаарлалт хийхийг үүрэг болгожээ

More Stories

Ерөнхий сайд Н.Учрал: Монгол, Японы худалдааны эргэлтийг нэмэгдүүлэхэд онцгой анхаарч байна

Пүрэв Дашдорж
3 weeks Ago

Монгол Улсын Ерөнхий сайд Н.Учрал /2026.09.29/ Япон, Монголын эв найрамдлын нийгэмлэгийн тэргүүн Т.Шимизү, Япон, Монголын нийгэмлэгийн тэргүүн Ш.Күбота тэргүүтэй найрамдлын...