Эрүүл мэндийн яам болон холбогдох албаныхан CoVid19 цар тахлын нөхцөл байдлын талаар мэдээлэл хийлээ. Энэ үеэр ЭМЯ-ны хэлтсийн дарга Д.Нарангэрэл “Дэлхийн 216 улс, бүс нутагт CoVid19 бүртгэгдэж, 20 сая 718 мянган хүн өвчилж,  752 мянган хүн эндсэн байна. Харин 13 сая гаруй хүн эдгэрч, эмнэлгээс гарчээ. Гурав хоногийн дотор нэг сая хүн коронавирусийн халдвар авч байна.

Дэлхийд 24 цагийн дотор 276 мянган хүн халдвар авч, 6000 гаруй хүн эндсэн.

Энэтхэгт 64 мянга, АНУ-д  60 мянга, Бразилд 56  мянган хүн халдвар авсан нь хамгийн их халдвар бүртгэгдсэн эхний гурван орны тоонд орж байна.

ДЭМБ-аас коронавирусийн халдварын тархалтыг бууруулахад хүн бүрийн оролцоо чухал гэдгийг онцолсон. Гараа савантай усаар угаах нөхцөлийг бүрдүүлсний дараа сургууль цэцэрлэгийг нээх хэрэгтэйг сануулсан.

Манай хөрш ОХУ-д 24 цагийн дотор 5000 гаруй хүн шинээр халдвар авч, 124 хүн энджээ.

БНХАУ-д 99 тохиолдол шинээр бүртгэгдсэний 22 нь гадаад улсаас зөөвөрлөгдөн орж ирсэн.

Халдварын тохиолдлын 30 гаруй хувь нь шинж тэмдэггүй байна. Тиймээс хэн нь ч халдвартай байж болох учраас урьдчилсан сэргийлэх арга хэмжээг сайтар авахыг уриалсан.

Таван нас хүртэлх хүүхдийн хамрын салстад насанд хүрсэн хүнийхээс 5-100 дахин их вирус хадгалагдаж байна. Мөн 14 нас хүртэлх насны хүүхдүүд насанд хүрсэн хүмүүсийнхээс хоёр дахин их вирус тээдэг байна. Тиймээс хүүхэд залуус хүн амд, эрсдэлт бүлгийнхэнд халдвар тараах эрсдэл өндөр гэж үзжээ.

Хятадад импортын тахианы мах, сам хорхойноос коронавирус илэрсэн байна.” гэсэн юм.

Leave a Reply

Your email address will not be published. Required fields are marked *

Previous post Тамхи татдаг залуучууд CoVid19 халдвар авах магадлал долоо дахин их байгааг тогтоожээ
Next post Хүний амь хөнөөгөөд  зугтсан бүлэг залуусыг баривчилжээ

More Stories