Монгол Улсын Засгийн газар яг одоо хуралдаж байна. Энэ хуралдаанаараа эрүүл мэндийн байгууллагуудын мэдээллийг сонсож, хил хаах асуудлыг хэлэлцэж байгаа ажээ. Асуудлыг хэлэлцэх явцдаа Монгол Улсын иргэдийг гуравдугаар сарын 02 хүртэл БНХАУ руу зорчихыг хориглох шийдвэр гаргасан байна.
Мөн Монгол Улстай хиллэдэг БНХАУ-ын бүх боомтуудаар /агаарын, төмөр замын, автозамын / Хятад иргэд болон гадаад улсын иргэдийг нэвтрүүлэхгүй.
Харин Урд хөрштэй хиллэдэг бүх боомтуудаар Монгол иргэдээ хоёрдугаар сарын 6-ныг хүртэл нэвтрүүлэхээр болжээ .
Гуравдугаар сарын 02 хүртэл Буянт-Ухаа болон Замын-Үүдийн боомтуудаар буцаж ирж буй Монгол иргэдээ нэвтрүүлнэ.
