Газар зохион байгуулалт, хот төлөвлөлтийн цахим системийн нээлт өчигдөр боллоо. Нээлтийн арга хэмжээнд Барилга, хот байгуулалтын Сайд Х.Баделхан оролцсон юм. Энэ үеэр түүнээс ипотекийн зээлийн талаар тодрууллаа.
-2020 оноос Монголбанк Ипотекийн зээлийн хөтөлбөрөөс гарч байгаа. Тэгэхээр зээлийн эх үүсвэр бүрдүүлэлтэд өөрчлөлт орох уу?
-Энэ жил Монголбанк хөтөлбөрт оролцоно. Монголбанк зээлийн эргэн төлөлтөөр жил бүр 200 тэрбум төгрөг гаргадаг, түүнийгээ гаргана. Ипотекийн зээлийн эх үүсвэр нь
- Улсын төсөв,
- Арилжааны банкны чөлөөт эх үүсвэр болон
- Монголбанкны эргэн төлөлт хэмээх гурван эх үүсвэрээс бүрддэг.
2020 оны Улсын төсөвт ипотекийн зээлд 60 тэрбум төгрөг эргэн төлөгдөхгүйгээр тусгасан. Энэ нь арилжааны банкнаас гаргаж буй зээлийн хүүгийн зөрүүг төр даана гэсэн үг. Тэгэхээр арилжааны банкнаас олгох зээлийн хэмжээ өнгөрсөн онтой харьцуулахад хоёр дахин нэмэгдэнэ гэж ойлгох хэрэгтэй.
-Жилд дунджаар хэдэн иргэн ипотекийн зээлд хамрагдаж байна вэ. Мөн зах зээлийн эрэлт ямар байна вэ?
-Жилд 10 мянга орчим айл ипотекийн зээлд хамрагдан орон сууцтай болдог. Энэ жил ч зээл үргэлжлэх төдийгүй эх үүсвэр нь нэмэгдэнэ.
Ипотекийн зээлд хамрагдсан иргэдийн тоо ба олгосон санхүүжилтийн хэмжээг харвал 2017 оноос хойш тасралтгүй буурсаар 2018 онд гэхэд 295.9 тэрбум төгрөгийн зээлийг 6,470 иргэнд олгожээ. Харин шинэ журам хэрэгжүүлж эхэлснээр өнгөрсөн оны арваннэгдүгээр сарын байдлаар нийт 380 тэрбум төгрөгийн санхүүжилтийг 5,287 иргэнд олгожээ.
Харин банкууд өөрийн эх үүсвэрээс 105 тэрбум төгрөгийн санхүүжилтийг 1,158 иргэнд олгожээ.
Эх сурвалж: Монголбанк
More Stories
“Зам тээврийн ослоос урьдчилан сэргийлье” сургалт эхэллээ
Хан-Уул дүүргийн ИТХ-ын Гэмт хэргээс урьдчилан сэргийлэх ажлыг зохицуулах салбар зөвлөлөөс гэмт хэрэг, зөрчлөөс урьдчилан сэргийлэх “Дуугарах цаг” аяны хүрээнд...
“Сүхбаатар дулааны цахилгаан станц” 150 мянган өрх, аж ахуйн нэгжийг цахилгаанаар, 30 мянган айл өрхийг дулаанаар хангана
Монгол Улсын Ерөнхийлөгч Ухнаагийн Хүрэлсүх Сэлэнгэ аймагт ажиллаж байна. Тэрбээр “Сүхбаатар дулааны цахилгаан станц”-ийн нээлтэд оролцов. Энэ станц орон нутгийн...
ЗГ:2030 он гэхэд 100 мянган өрхийг орон сууцанд оруулах бодлогыг зорилгоо болгон ажиллаж байна
Өчигдөр /2026.11.03/ 15:00 цагаас Төрийн ордны зүүн талын галарейд “100 мянган айлын орон сууц Үндэсний хөтөлбөрийн тухай мэдээллийг сэтгүүлчидэд өгөх...
Эрчим хүчний яам болон Зам тээврийн яамны Төрийн нарийн бичгийн дарга асан Б.Н-д шүүхээс 5 жилийн хорих ял ногдуулжээ
Авлигатай тэмцэх газрын Мөрдөн шалгах хэлтсээс мөрдөн шалгасан Зам тээврийн яамны Төрийн нарийн бичгийн даргаар ажиллаж байсан Б.Н нарын 5...
ХОТЫН ДАРГА АСАН Х.НЯМБААТАР ТУУЛЫН ХУРДНЫ ЗАМЫН ТӨСЛИЙН ХҮРЭЭНД “SHONGFU CONSTRUCTION ENGINEERING” КОМПАНИАС ИХ ХЭМЖЭЭНИЙ АВИЛГА АВЧ БАЙЖЭЭ
Хотын дарга асан Х.Нямбаатар нь Олон улсын хоригт орсон хятадын компанийг Туулын хурдны замын төсөлд оруулж их хэмжээний авилгалын мөнгийг...
Ерөнхийлөгч У.Хүрэлсүхэд Саксони муж улсын Ландтагийн Ерөнхийлөгч бараалхлаа
Монгол Улсын Ерөнхийлөгч Ухнаагийн Хүрэлсүхийн Холбооны Бүгд Найрамдах Герман Улсад хийж буй төрийн айлчлалын хүрээнд Саксони муж улсад хэрэгжүүлж буй...
