Увс аймгийн ИТХ-ын хоёр төлөөлөгч өнгөрсөн бямба гарагт зуурдаар амь насаа алджээ. Тодруулбал, аймгийн ИТХ-ын төлөөлөгч бөгөөд Засаг даргын зөвлөх Д.Мягмарсүрэн, авьяаслаг морин хуурч Э.Идэрцогт нар Увс аймгаас Улаанбаатар хот руу явах замдаа Солонготын даваанаас Архангай тал руугаа даваад буудаг хэсгийн эргэлт дээр осолдсон байна. Энэ хэсгийн эргэлт огцом учраас хоёр хоногийн өмнө осол гарч, ОХУ-аас зорчиж явсан автомашин осолдон, зорчиж явсан хоёр хүн хүнд бэртсэн аж. Тэднийг авахаар ОХУ-ын Тува улсаас нисдэг тэрэг ирж, Улаанбаатар хот руу хүргэсэн байдаг. Уг машиныг ачиж явахаар өглөө нь хүмүүс ирэхэд дахин нэг машин яг адилхан осолдсон байсан нь Увс аймгийн иргэн дээрх хоёр залуу байжээ.

Замын энэ огцом эргэлт дээр анхаарлын тэмдэг болон өөр бусад осол аваараас урьдчилан сэргийлэх арга хэмжээг холбогдох газрууд нь яаралтай авахгүй бол осол аваар ар араасаа цуварч, эрдэнэт хүний амь нас, эрүүл мэнд хохирч, эд хөрөнгө сүйдсээр байх бололтой. Мөн Увс аймгийн ИТХ-ын тэргүүлэгч, цагдаагийн дэд хурандаа Б.Сүх-Очир өнгөрсөн бямба гарагт Өндөрхангай суманд явж байгаад зуурдаар таалал төгсжээ. Энэхүү хэргийг аймгийн Цагдаагийн газар шалгаж байгаа аж.

Leave a Reply

Your email address will not be published. Required fields are marked *

Previous post Томуугийн дэгдэлтийн үед хүүхдийн 1001 ор нэмэгджээ
Next post 1932 хүний амь насыг авран хамгаалжээ

More Stories