УИХ-ын 2020 оны сонгуулийг 26 тойрогтой томсгосон мажоритар тогтолцоогоор явуулахаар болжээ. Тодруулбал, эрх баригч МАН-ын Удирдах зөвлөл өнөөдөр хуралдаж, ирэх оны сонгуулийг 2008 оны сонгуулийн хувилбар буюу томсгосон мажоритар тогтолцоогоор явуулахаар санал нэгдсэн байна. Энэ талаар УИХ-ын гишүүн Д.Оюунхорол “2008 оны сонгуулийн тогтолцоотой адил хувилбараар ирэх оны сонгуулийг явуулахаар санал нэгдлээ. Сул тал нь нэг намын нэр дэвшигчид хоорондоо өрсөлдөх магадлалтай гэж ярьдаг. Улс орны хөгжил ирээдүйг бодвол томсгосон тойргоор явуулах нь зөв. Төсвийн хөрөнгө оруулалтыг жижиг тойргуудад хуваарилах бус аймаг, дүүргээ бүхэлд нь хөгжүүлэх байр суурьтайгаар энэ хувилбарыг оруулж ирж байгаа юм” гэлээ.
Одоо УИХ дахь МАН-ын бүлэг хуралдаж, Удирдах зөвлөлөөс гаргасан шийдвэрийг хэлэлцэж байна.
2008 онд олон мандаттай, томсгосон тойрог бүхий мажоритар тогтолцоогоор УИХ-ын сонгуулийг явуулсан байдаг. Тухайн үед УИХ-ын гишүүнээр МАХН 45, АН 28, Ногоон нам, Иргэний хөдөлгөөний намын Иргэний эвсэл нэг, Иргэний зориг нам нэг, бие даагч нэг сонгогджээ. Улмаар тухайн жил сонгуулийн маргаан гарч долдугаар сарын 1-нд үймээн дэгдэж байв.
More Stories
ШИНЭ ЦЭРГҮҮД ЦЭРГИЙН ТАНГАРГАА ӨРГӨЖ, ЭХ ОРНЫХОО ДАРХАН ХИЛИЙГ МАНАХ ҮҮРГЭЭ ХҮЛЭЭН АВЛАА
Хилийн цэргийн 0164 дүгээр ангид 2026 оны нэгдүгээр ээлжээр татагдан ирсэн дайчдын “Цэргийн тангараг өргөх ёслол” болж, Хууль зүй, дотоод...
О.Амгаланбаатар: Наадам бол ард түмэн өөрөө оролцож, өөрөө баярлаж цэнгэдэг баяр байх ёстой
УИХ-ын гишүүн О.Амгаланбаатартай цаг үеийн асуудлаар ярилцлаа -Таны санаачлан өргөн барьсан Баяр наадмын тухай хуулийн төсөл өнгөрсөн өдрүүдэд нэлээд яригдлаа....
Төр хувийн хэвшлийнхээ урагшлах замд тээглэдэг биш урдах замыг нь засдаг байх үүрэгтэй
Монгол Улсын Их Хурлын дарга С.Бямбацогт өнөөдөр /2026.05.27/ бизнес эрхлэгчид, баялаг бүтээгчдийн төлөөлөлтэй чөлөөт уулзалт хийж, эдийн засгийн орчин, хувийн хэвшлийн үйл ажиллагаанд...
НҮБ-ын Цөлжилттэй тэмцэх конвенцын талуудын 17 дугаар бага хурлын зам талбайн ажил долоодугаар сарын 1-нд дуусна
НҮБ-ын Цөлжилттэй тэмцэх конвенцын талуудын 17 дугаар бага хурлыг Монгол Улсад 2026 оны наймдугаар сарын 17-28-нд зохион байгуулна. Нийслэлийн зүгээс...
Боловсролын үнэлгээний төвөөс 2026-2027 оны хичээлийн жилийн Их, дээд сургуульд элсэгчдийн Элсэлтийн ерөнхий шалгалтын хуваарийг албан ёсоор баталлаа
Боловсролын үнэлгээний төвөөс 2026-2027 оны хичээлийн жилийн Их, дээд сургуульд элсэгчдийн Элсэлтийн ерөнхий шалгалтын хуваарийг албан ёсоор баталжээ. Их, дээд...
Ерөнхийлөгч У.Хүрэлсүх МУБИС, ХААИС-ийн багш, ажилтнуудтай уулзлаа
Монгол Улсын Ерөнхийлөгч Ухнаагийн Хүрэлсүх Боловсролын их сургууль, Хөдөө аж ахуйн их сургуулийн эрдэмтэн багш, хамт олонтой уулзлаа. Ерөнхийлөгч, улс орны хөгжил дэвшлийн үндэс,...