Монгол улсад атар газар эзэмшсэний түүхт 60 жилийн ойг тохиолдуулан “Алтан намар-2019” арга хэмжээг өнөөдөр Орхон аймгийн ИТХ-ын дарга П.Пүрэвлхагвын дэмжлэг, санаачлагаар Жаргалант сумын иргэдийн Төлөөлөгчдийн хурал, Засаг даргын тамгын газар хамтран зохион байгууллаа. “Алтан намар – 2019” арга хэмжээг нээж Орхон аймгийн ИТХ-ын дарга П.Пүрэвлхагва үг хэлсэн юм. Тус арга хэмжээнд Жаргалант сумын ИТХ-ын дарга Г.Баттогтох, Засаг дарга Б.Зоригтбаяр болон бусад албаны хүмүүс оролцлоо.
“Алтан намар – 2019” ургацын баярын арга хэмжээний үеэр Монгол улсын Хөдөлмөрийн баатар, Гавьяат механикжуулагч агсан Лувсанцэрэнгийн Лхагва, түүний гэргий н.Эрдэнэчимэг, Хөдөлмөрийн гавъяаны улаан тугийн одонт Дамдингийн Даржаа, Улсын аварга тариаланч Дашдаваагийн Хасбаатар, Улсын 3 удаагийн аварга Лувсангийн Баярхүү, Улсын хошой аварга Чогсомын Баясгаланцэцэг, Улсын аварга тариаланч Баянгийн Минж, Доржготовын Хуяг, Дэмчигийн Батболд зэрэг 15 хүнд Орхон аймгийн ИТХ-ын дарга П.Пүрэвлхагва болон Жаргалант сумын удирдлагууд хүндэтгэл үзүүллээ. Мөн “Алтан намар – 2019” ургацын баярыг тохиолдуулан Жаргалант сумын 3 багийн иргэд, төрийн албан хаагчдын дунд зохион байгуулах олон төрөлт спортын арга хэмжээний нээлт болсон юм.
.JPG)
