Тухайлбал, иргэдийн эрүүл, аюулгүй орчинд амьдрах эрхийг ханган явган хүний зам талбайг нэмэгдүүлэх зорилгоор Хан-Уул дүүргийн хоёрдугаар хорооны нутаг дэвсгэрт явган хүний зам хааж, авто замтай тулган барьсан хашааг албадан буулгаж газар чөлөөллөө. Мөн тус хороонд байрлах “Дэлгэр хөх хангай” ХХК-ийн явган хүний зам хааж барьсан өргөтгөлийг буулгаж явган хүний зам, нийтийн эзэмшлийн талбайг чөлөөлөв.
Нийслэлийн Засаг даргын А/688 дугаар захирамжийн дагуу газар ашиглалтыг сайжруулах, орчны аюулгүй байдлыг хангах зорилгоор Баянзүрх дүүргийн тавдугаар хороо, “Баянзүрх дүүргийн Эрүүл мэндийн төв”-ийн баруун талд зөвшөөрөлгүй байршуулсан найман ширхэг ТҮЦ-ийг албадан нүүлгэж, нийтийн эзэмшлийн талбайг чөлөөлж ажиллав.
Түүнчлэн Багануур дүүргийн тав, нэгдүгээр хороонд нийтийн эзэмшлийн талбайд зөвшөөрөлгүй байршуулсан контейнер, зөөврийн байгууламжийг албадан нүүлгэж газар чөлөөллөө.
+ There are no comments
Add yours