Өнгөрсөн есдүгээр сард Сирид болсон халдлагуудын улмаас 118 хүн амиа алдсан гэж Их Британийн Лондон хотод төвтэй Сирийн хүний эрхийг хамгаалах байгууллага мягмар гарагт мэдээлжээ.
Тус байгууллагын мэдээлэлд дурдсанаар, амиа алдсан хүмүүсийн дунд 18 хүүхэд, 12 эмэгтэй байсан аж. Энэ он гарснаас хойш Сирид нийт 2682 энгийн иргэн амиа алдсан байна.
Башар аль-Асадын дэглэм ардчиллыг тууштай дэмжигчдийн эсэргүүцлийг хүчээр нухчин дарсан 2011 оноос Сири улс иргэний дайны хөлд нэрвэгдээд байгаа бөгөөд хожим Ливаны “Хезболла” бүлэглэл, Ираны цэргүүд зэрэг гадаадын цэргийн оролцоо нэмэгдсэнээр тогтворгүй байдал улам даамжирчээ.
Тухайн үеэс хойш Сирид хэдэн зуун мянган хүн амиа алдаж, 10 гаруй сая хүн орон гэргүй болсон гэж НҮБ-ын тайлан мэдээлсэн байна.
+ There are no comments
Add yours