АНУ-ын Өмнөд Каролина муж улсын амбан захирагч Хенри Макмастер далайн догшин хар салхи “Дориан” ойртож буйтай холбогдуулан эрэг орчмын оршин суугчдыг эх газрын гүн рүү нүүлгэн шилжүүлэх захирамж гаргажээ. “Associated Press” агентлаг энэ талаар мэдээллээ. Мэдээнд өгүүлснээр бол нүүлгэн шилжүүлэх ажиллагаанд нэг сая орчим хүн хамрагдаж аюулгүй газар шилжин байрлах юм байна.

Өмнөд Каролинагаас гадна Хойд Каролина муж улс  мөн “Дориан” хар салхи ойртож буйтай холбогдуулан онцгой байдал зарлаад байгаа аж.

АНУ-ын Флорида, Өмнөд, Хойд Каролина мужийг нэрвэхээр ойртож буй “Дориан” хар салхины хүч Саффир-Симпсоны шаталбараар тавдугаар зэрэглэлд хүрч очоод байгаа юм. Энэ нь хамгийн хүчтэй ангилал бөгөөд цагт 160 миль буюу /257 км цаг/ 71.3 метр/секунд хурдтай салхилж байгаа гэсэн үг юм.

Leave a Reply

Your email address will not be published. Required fields are marked *

Previous post Нийслэлийн зарим замыг өнөөдөр 14.00 цагаас эхлэн бүрэн хаана
Next post Ховд аймагт 4.5 магнитудын хүчтэй газар хөдөлжээ

More Stories