Увс аймгийн Давст сумын Хандгайт баг, аймгийн төвөөс зүүн урд зүгт 30 км-т Увс нууранд дөрвөн хүн сэлж байгаад нэг нь живсэн харамсалтай хэрэг гарчээ. Тодруулбал, Увс аймгийн Улаангом сумын харьяат, 37 настай, эрэгтэй иргэн О живж амиа алдсан байна.
Мөн Хөвсгөл аймгийн Мөрөн сумын Урандөш багийн Өндөр эрэг гэдэг газар, тус аймгийн төвөөс баруун зүгт 5 км-т дөрвөн хүн зугаалж байснаас тус сумын Үерт багийн харъяат, 21 настай, эрэгтэй, иргэн М нь Дэлгэр мөрний усанд живжээ.
Тиймээс иргэдийн амарч, зугаалахдаа согтууруулах ундааны зүйл хэрэглэсэн бол ус руу орохгүй байх, бага насны хүүхдийг голын эргийн дагуу ганц нэгээр нь явуулахгүй байх, сэлж чадахгүй бол голын ус руу орохгүй байх зэргийг анхааруулж байна.
+ There are no comments
Add yours