Тэрбээр энэ үеэр “Өнгөрөгч зургаадугаар сарын 5-нд Монгол улсын Засгийн газраас 224 тоот тогтоол гаргасан. Энэ тогтоолоор Эрдэнэт үйлдвэрийг 2031 он хүртэл хөгжүүлэх Үндсэн чиглэлийг баталсан. Үүний дагуу Төрийн бмчийн бодлого, зохицуулалтын газраас Монгол улсын эдийн засаг, нийгмийн хөгжилд Эрдэнэт үйлдвэр ТӨҮГ-ын оруулах үр өгөөжийг нэмэгдүүлэх, үйлдвэрийн газрын тогтвортой хөгжил, урт хугацааны үйл ажиллагааг хангах, өрсөлдөх чадварыг дээшлүүлэх зорилгоор 2031 он хүртэлх хугацаанд хэрэгжүүлэх үндсэн чиглэлийг баталсан байгаа. Ингэснээр Эрдэнэт үйлдвэр томоохон төсөл, хөтөлбөр, арга хэмжээнүүдээ хөгжүүлэх боломж бүрдэж байна.
Өнөөдрийн байдлаар Эрдэнэт үйлдвэр Балхашмысээс 20 сая ам.долларын авлагаа авчихсан. Үүнийгээ аваад дансандаа хийчихсэн байгаа. Энэхүү 20 сая ам.долларыг бүтээн байгуулалтад зарцуулна. Эрдэнэт хот, эрдэнэтчүүдэд үр өгөөжөө өгөх, чухал ач холбогдолтой төсөл хөтөлбөрт зарцуулна. Мөн Арбитрын шүүхээр явж байсан зургаан асуудлыг бүгдийг нь шийдсэн. Ингэснээр Эрдэнэт үйлдвэр гадаад харилцааныхаа талд нэр цэвэр, нүүр бардам болсон. Эрдэнэт үйлдвэр одоо гаднаас хөрөнгө оруулалт татахад нүүр бардам боллоо. Энэ асуудал эрдэнэтчүүдэд ч ач холбогдол, үр өгөөжээ өгнө. Дээр нь Стандарт банкинд төлсөн 40 сая ам.долларын эргэн төлөлтийн асуудал бий. Хууль журмын дагуу асуудлыг шийдэхээр хэлэлцэж байна. Буруутай этгээдүүдээр энэхүү 40 сая ам.долларыг төлүүлж үйлдвэрийг хохиролгүй болгохын төлөө ажиллаж байна” хэмээсэн юм.
+ There are no comments
Add yours