Монголын багш нарын үйлдвэрчний эвлэлийн холбооноос боловсролын салбарын тулгамдсан асуудлууд, багш нарын нийгмийн асуудлыг шийдвэрлүүлэх шаардлага хүргүүлж БСШУСЯ-ны гадна жагслаа. Жагсаал зохион байгуулагч Монголын багш нарын үйлдвэрчний эвлэлийн ерөнхийлөгч Ц.Мөнхтуяа хэлэхдээ “2017 оны наймдугаар сараас эхлэн боловсролын салбарт тулгамдаж байгаа асуудлыг ярьж тэмцлээ. Ямар ч үр дүнгүй. Өнөөдөр боловсролын салбарт 70 гаруй мянган хүн ажиллаж байна. 90 гаруй хувь нь байр орон сууцгүй. Энэ багш нарын захаас нь асуухад л айлын хашаа, айлын гэр , орон сууц түрээсэлж, хажуу өрөөнд гундуу амьдарч байна. НОСК-иас 972 айлын орон сууц ашиглалтад орох гэж байна. Тиймээс багш нартаа тодорхой хувь, квот олж өгөхийн төлөө Монголын багш нарын үйлдвэрчний эвлэлийн холбооноос өнөөдрийн жагсаалыг зохион байгуулж байгаа. Багш нарын цалин бага учраас ипотекийн найман хувийн зээлэнд хамрагдаж чаддаггүй. 20 гаруй жил багш нарын өмнөөс хэн ч дуугардаггүй, хэн ч үг хэлдэггүй ноомой хүлцэнгүй байсаар ирсэн. Өнөөдөр амьдрал сайхан байсан бол бид энд халуун наранд зогсоод байх ямар ч шаардлага байхгүй. Зуны амралтаараа амарч чадахгүй, тэмцье гээд өөрсдөө хүсээд ирж байна.

Түүнээс гадна хүү багатай, урьдчилгааны хөнгөлөлттэй, хямд өртөгтэй орон сууцны зээлийн хөтөлбөр гаргаж хэрэгжүүл гэж шаардаж байна. Багш нар ажлын байрны ачаалал их байна. Боловсролын яам улс төрөөс хэтэрхий хараат болсны гайгаар шалгалтаа ч зохион байгуулж чадахгүй түвшинд хүрсэн байна. Тиймээс холбогдох Боловсролын үнэлгээний төвийн захирал Ж.Ган-Эрдэнийг огцруулахыг шаардаж байна. Тавдугаар ангийн хүүхдийг улсын шалгалтаар 180 үгтэй эх дээр ажиллуулаад арав гаран даалгавар бөглүүлээд, дээр нь 120-150 үгтэй эх зохиолгож байна. Насанд зохицож байгаа эсэхийг ч мэдэхгүй. Зүй зохисгүй үгийг шалгалтын материалд оруулсан байсан. Жишээ нь “үхсэн хойноо” гэдэг үгийг тайлбарлуулаад сууж байх жишээтэй. Энэ бол маш их сенсааци дагуулсан. Боловсролын үнэлгээний төвөөс байх ёстой л асуудал гэж тайлбарласан байна.” Гэв.

Leave a Reply

Your email address will not be published. Required fields are marked *

Previous post Баривчлах төвд шалгалт хийж, олон зөрчил илрүүлжээ
Next post 4.6 кг алт экспортолжээ

More Stories

Цахим мөрийтэй тоглоом зохион байгуулсан 5 бүлгийн 34 этгээдийг баривчилж, 43.1 тэрбум төгрөгийн хууль бус гүйлгээг тогтоолоо

Пүрэв Дашдорж
6 days Ago

Цахим мөрийтэй тоглоом зохион байгуулсан 5 бүлгийн 34 этгээдийг дайчлан баривчилж, 43.1 тэрбум төгрөгийн хууль бус гүйлгээг тогтоож, өндөр үнэ...