“Өргөө” амаржих газарт тав дахь хүүхдээ төрүүлэхээр очсон эх энджээ

Талийгаачийн ээж хэлэхдээ “Миний охин Ч тавдугаар сарын 23-ны пүрэв гарагт Өргөө амаржих газрын төлөвлөгөөт хагалгаанд орохоор хэвтсэн. Долоо хоноод өчигдөр 17.38 минутын үед ярихад “Ээжээ зүгээрээ, дусал хийлгэсэн” гэж байсан.

Орой 22.27 цагийн үед нөхөртэйгөө ярихад зүгээр бүтэн гурван минут ярьсан байсан. 03:19 цагийн үед нөхөр рүү нь танихгүй дугаараас ярьсан байгаа юм. Сэхээнд байна, хурдан ир гэсэн. Биднийг очиход зүрх нь тасалдаад байна гээд хэлж байсан ч тэр нь худлаа байсан. Бие нь аль хэдийнэ хөрөөд хөхөрчихсөн байсан.

Сэхээнд байна гэж худлаа ярьсан. Ямар ч арга хэмжээ аваагүй аль хэдийнэ өнгөрчихсөн байсан. Өрөөндөө ганцаараа, хөлнийхөө тэнд нэг хонхтой. Ажилладаг ч юм уу үгүй ч юм уу. 11.30-ийн үед нэг дусал хийсэн гэсэн. Тэр дусал нь юу байсан юм бүү мэд. Биднийг ирэхэд бүх юмыг нь цэвэрлэчихсэн. Хамраас нь жаахан цус гарсан байсан. Их гомдолтой байна.

Орон дээрээ ганцааранг нь ургаас нь ч салгаагүй байсан. Малыг хүртэл ургаас нь салгадаг шүү дээ. Эмнэлгийн захиргаанд би одоо өргөдөл бичээд сууж байна.Миний охин зүв зүгээр эрүүл саруул байсан ч ард нь дөрвөн хүүхэд өнчрөөд үлдэж байна” гэлээ.