Ё.Баатарбилэг: Дунд, ахлах ангийнхан сурах бичгээ түрээсээр авч хэрэглэнэ

Хамран сургах байдал сургуулийн өмнөх боловсролд хамрагдах ёстой хүүхдүүдийн 81.9 хувьд хүрсэн ч төдийлэн хангалтгүй байгааг ч тэрээр хэлж байсан юм. Тэрээр “Сургалтын байгууламжийн чанар стандарт төрийн болон орон нутгийн өмчийн 167 цэцэрлэгийн барилгын 45 хувь нь насжилт өндөртэй. Энэ нь сургууль цэцэрлэгийн барилга шинээр барих шаардлага байсаар байгааг илтгэж байна.

Энэ хичээлийн шинэ жилд 138 сургууль, 174 цэцэрлэгт барьж ашиглалтад оруулна. Сурах бичгийн хүрэлцээ, дотуур байрны хангамж тааруу байгаа. Улсын хэмжээнд 34 мянган хүүхэд 500 гаруй дотуур байранд амьдарч байна. Дотуур байрны ус хангамж, ариун цэврийн хүрэлцээ тааруу, нийт сургуулийн 53 хувь, дотуур байрны 61 хувь нь модон жорлонтой” гэлээ.

Бага ангийн сурагчдын сурах бичгийг 100 хувь, дунд, ахлах ангийнхныг 40 хувийг төрөөс үлдсэнийг нь өөрсдөө хангахаар зохицуулсан байдаг. Дунд, ахлах ангийн сурах бичгийг бүрэн хангаж, ингэхдээ сургуулийнхаа номын сангаас түрээсийн журмаар авдаг байхаар салбарын яам төлөвлөж байна. Энэ ажилд 8 тэрбум төгрөг төсөвлөжээ. Ингэснээр тухайн өрхийн эдийн засагт ачаалал үүсэхгүй гэж үзэж байгаа аж.

Түүнчлэн бага насны хүүхдүүдийг шим тэжээлтэй хоол хүнсээр хангах талаар олон жил ярьж байна. 2012 оноос хойш үдийн цай, дотуур байрны хүүхдүүдийн хоолны мөнгө нэмэгдээгүй аж. Тиймээс хоолны зардлыг нэмэхээр Засгийн газраас санал боловсруулж, УИХ-д хүргүүлсэн байна.