Хууль бусаар зэвсгийн наймаа эрхэлдэг байсан бүлэг этгээдүүдийг саатууллаа

Галт зэвсгийн байлдааны болон бусад төрлийн их хэмжээний сумыг Нийслэлийн “Нарантуул”, “Хархорин” худалдааны төвүүд, бусад газруудаар зарж борлуулах зорилгоор хууль бусаар олж авсан, хадгалсан бүлэг этгээдүүдийг баривчиллаа.

Тодруулбал, “О”, “Э”, “Ч”, “Н”, “У”, “ нарын бүлэг этгээдүүдийг хууль бусаар зэвсэгийн наймаа эрхэлсэн хэрэгт буруутган Эрүүгийн цагдаагийн албаны Эдийн засгийн гэмт хэрэгтэй тэмцэх газраас баривчилсан байна. Тэднээс хууль бусаар олж авсан 50.000 /тавин мянга/ ширхэг орчим байлдааны зориулалттай болон бусад төрлийн сумыг тээврийн хэрэгсэл, гэр, орон сууцаас нь олж тогтоон, шалгалтын ажиллагааг үргэлжлүүлэн явуулж байна. Мөн Төв аймгийн Алтанбулаг сумын нутаг дэвсгэрт байрлах Зэвсэгт хүчний 0311 дүгээр цэргийн ангиас галт зэвсгийн байлдааны 2000 орчим сум алдагдсан талаар Төв аймаг дахь Цагдаагийн газарт бүртгэгдэн шалгагдаж байгаа аж.