Өчигдөр шөнө “Капитал”банкны Санхүү эрхэлсэн дэд захирал Я, Зээлийн газрын захирал Д нарыг цагдан хорьжээ. Эх сурвалжуудаас өгсөн мэдээллээр банкны эрх бүхий албан тушаалтнуудыг эрүүгийн хэрэгт яллагдагчаар тооцохоор болжээ. Банкны удирдах албан тушаалтнуудыг төрийн хөрөнгө, харилцагч, хадгаламж эзэмшигч иргэд, байгууллагын мөнгийг өөрийн хамааралтай аж ахуйн нэгжүүдийн данс руу шилжүүлж, мөнгө угаасан байж болзошгүй гэх үндэслэлээр буруутгаж буй аж. Мөн Гүйцэтгэх захирал А.Ариунболдыг өөр нэг удирдах албан тушаал хашдаг эмэгтэйн хамт шалгаж эхэлсэн гэх албан бус мэдээлэл байна.

“Капитал” банк дампуурч, эрх хүлээн авагч томилж буйг Төв банкнаас энэ сарын 8-нд зарласан нь тус банкны харилцагч, хадгаламж эзэмшигчдийг бухимдуулаад байгаа билээ. Уг банканд 20 сая төгрөгнөөс дээш хадгаламжтай 1200 гаруй харилцагч 30 мянга гаруй иргэд 260 тэрбум төгрөгөөр хохироод байгаа. Хохирогчдын 90 хувь нь 2017 онд хадгаламж нээлгэсэн тэтгэврийн иргэд юм.

Хохирогчдын зүгээс “Монголбанк нь банкны тухай хуулийн олон зүйл заалтыг зөрчсөн. Тус банканд хуульд заасан урьдчилан сэргийлэх нөхцөлт удирдлагын болон бүтцийн өөрчлөлт хийгдээгүй болон найдваргүй зээлээс өөр огт хөрөнгөгүй болсон хойно татан  буулгалаа. УИХ-ын эдийн засгийн байнгын хороо нь энэ хугацаанд ямар нэг хяналт тавьж ажиллаагүй энэ тал дээр ямар нэгэн арга хэмжээ аваагүй байна. Хохирогчдын хохирлыг төр барагдуулж дараа нь Монголбанкны бүрэн эрхт төлөөлөгчөөр дамжуулан өөрсдийн хохирлыг авахыг шаардаж байна” гэдгээ илэрхийлээд байгаа.

Leave a Reply

Your email address will not be published. Required fields are marked *

Previous post Сүхбатаарын талбайн төлбөртэй зогсоолын нэвтрэх хэсгүүдийг лацдана
Next post Б.Махбалд холбогдох хэргийн шүүх хурал хойшлогдлоо

More Stories

Говь-Алтай аймгийн Есөнбулаг суманд үржлийн шилмэл малын үзэсгэлэн, дуудлага худалдаа болно

Пүрэв Дашдорж
2 days Ago

Говь-Алтай аймгийн Есөнбулаг суманд үржлийн шилмэл малын үзэсгэлэн, дуудлага худалдааг энэ сарын 18-нд зохион байгуулна. Үржлийн шилмэл малын үзэсгэлэн, дуудлага...