Өнгөрсөн онд улсын хэмжээнд мотоциклоор үйлдэгдсэн зам тээврийн 552 осол бүртгэгдсэн бөгөөд ослын улмаас 116 хүн амь насаа алджээ. Мөн 265 хүн бэртэл авсан байна. Нийт ослын 84.9 хувь нь орон нутагт бүртгэгдсэн байна. 2018 онд манай улсад бүртгэгдсэн мотоциклийн тоо өнгөрсөн оноос 16 хувиар нэмэгдсэн бол ослын тоо ч мөн 2.1 дахин нэмэгджээ.

Амиа алдсан иргэдийн дийлэнх нь толгойдоо гэмтэл авсан нь үхэлд хүргэх шалтгаан болсон дүгнэлт гарчээ. Энэ нь жолооч болон зорчигчид нь хамгаалалтын малгай өмсөж хэвшээгүй, мотоциклыг зориулалтаар нь зөв зохистой хэрэглэх дадал, мэдлэг, чадвар хангалтгүй байгааг харуулж байна. Мотоциклоор замын хөдөлгөөнд оролцохдоо хамгаалалтын малгай өмсөх нь үхэлд хүргэх эрсдлийг 40 хувиар бууруулдаг гэж олон улсад үздэг байна. Гэвч 2018 онд хөдөлгөөнд оролцохдоо хамгаалалтын малгай өмсөөгүй 2786 зөрчилд арга хэмжээ тооцжээ.

Монгол Улсад 55926 мотоцикл бүртгэлтэй байдгаас 13.6 хувь нь нийслэлд, 86.4 хувь нь орон нутагт бүртгэлтэй. Мотоциклийн хэрэглээгээр Баян-Өлгий, Өвөрхангай, Төв, Дорнод аймгууд тэргүүлж байна.

Эх сурвалж: Тээврийн цагдаагийн алба

Leave a Reply

Your email address will not be published. Required fields are marked *

Previous post Цусны бүлэг тохироогүй донороос анх удаа элэг шилжүүлэн суулгажээ
Next post Сүхбатаарын талбайн төлбөртэй зогсоолын нэвтрэх хэсгүүдийг лацдана

More Stories

БНСУ хиймэл оюуны эрин үед өрсөлдөх дижитал дэд бүтцийн бүтээн байгуулалтыг эрчимжүүлэх хөрөнгө оруулалтын үлэмж төлөвлөгөө зарлалаа

Пүрэв Дашдорж
7 days Ago

Энэ хүрээнд чип үйлдвэрлэл болон дата төвийн төслүүдэд Samsung Electronics, SK Hynix тэргүүтэй үндэсний компаниудаас багадаа 1,350 их наяд вон...