Сүхбаатар дүүргийн ИТХ-ын долдугаар тойрогт нөхөн сонгууль явуулахаар болжээ. Сонгуулийн тухай хуулийн 20.1-т “Нөхөн сонгуулийн санал авах өдөр нь жил бүрийн зургадугаар сарын сүүлийн ням гараг болон аравдугаар сарын эхний Ням гараг байх ба улс даяар нэгдсэн журмаар явагдана” гэж заасан байдаг. Үүний дагуу Сүхбаатар дүүргийн ИТХ-ын долдугаар тойрогт явагдах нөхөн сонгуулийг ирэх зургадугаар сарын 30-нд зохион байгуулахаар тус дүүргийн ИТХ-ын Тэргүүлэгчид өчигдөр шийдвэрлэжээ.
