Зургаан шүүгчийн яллагдагчаар татах шаардлагагүй гэж үзжээ

Зургаан шүүгчийн яллагдагчаар татах шаардлагагүй гэж үзжээ

Үндэслэлгүйгээр хөрөнгөжсөн гэх зургаан шүүгчийг яллагдагчаар татах шаардлагагүй гэж нийслэлийн Прокурорын газраас үзжээ.

Тодруулбал, зургаан шүүгчид үндэслэлгүйгээр хөрөнгөжсөн гэх асуудлаар энэ сарын 13-ны өдөр Эрүүгийн хэрэг үүсгэсэн талаар өчигдөр АТГ-аас мэдээлсэн. Мөн тэдгээр шүүгчдийн бүрэн эрхийг түдгэлзүүлэх талаар саналыг Шүүхийн ерөнхий зөвлөлд уламжлуулахаар нийслэлийн Прокурорын газарт хүргүүлсэн аж.

Харин нийслэлийн Ерөнхий прокурор Д.Баярмагнай энэ сарын 19-ний өдөр Шүүхийн ерөнхий зөвлөл болон Улсын дээд шүүхийн Тамгын газарт зургаан шүүгчийг яллагдагчаар татахаас татгалзсан, түдгэлзүүлэх шаардлагагүй тухайгаа Мэдээлэл хүргүүлэх тухай 1/1117 тоот бичгээр мэдэгджээ. Тэрбээр “…Халдашгүй эрх эдэлж байгаа зургаан шүүгчийг үндэслэлгүйгээр хөрөнгөжсөн гэмт хэргийн шинжтэй үйлдэл хийсэн гэж дүгнэх боломжгүй, хангалттай үндэслэл бүхий үйл баримт тогтоогдоогүй байх тул албан үүргийг одоогоор түдгэлзүүлэх шаардлагагүй гэж дүгнээд хүсэлтийг хүлээн авахаас татгалзаж шийдвэрлэсэн” гэж мэдэгдсэн байна.

Б.Баатар

Leave a Reply

Your email address will not be published.