Үндэсний хөгжлийн газар Микзухо банктай хамтран ажиллана

Үндэсний хөгжлийн газрын дарга Б.Баярсайхан, Япон улсын Мизухо банкны Ази дахь Олон улсын төслийн санхүүгийн хэлтсийн ерөнхий менежер Казухиро Тоёода нар энэ сарын 12-нд Улаанбаатар хотноо харилцан ойлголцлын санамж бичигт гарын үсэг зуржээ. Энэхүү харилцан ойлголцлын санамж бичгийн зорилго нь Монгол Улсад дэд бүтцийн хөгжил болон төр, хувийн хэвшлийн түншлэлийг дэмжих ажээ. Мөн Монгол Улсад хөрөнгө оруулах, бизнес эрхлэх хүсэлтэй хөрөнгө оруулагчдыг Үндэсний хөгжлийн газрын дэргэдэх Нэг цэгийн үйлчилгээний төвтэй холбох зэрэг ажлууд хийх юм байна.