Авто зам ашигласны төлбөрийг нэмж магадгүй

Тэргүүлэгчид үзэж буй аж. 2015 оноос Авто замын тухай хуулийн 21 дүгээр заалтыг үндэслэн Улаанбаатар хотын авто замын хөдөлгөөнд оролцож буй тээврийн хэрэгслээс авто зам ашигласны төлбөр хураадаг болсон. Ингэхдээ тээврийн хэрэгслийн хөдөлгүүрийн багтаамжаас хамаарч авто зам ашигласны төлбөрт 10-60 мянган төгрөг хураадаг. Харин орон нутагт бүртгэлтэй тээврийн хэрэгсэл шалган нэвтрүүлэх товчоогоор нэвтрэхдээ 1000-5000 төгрөг төлдөг.

Нийслэлийн авто замын хөдөлгөөний ачаалал жилээс жилд нэмэгдэж байгаа, авто машины зохистой хэрэглээг нэвтрүүлэхийн тулд зам ашигласны төлбөрт өөрчлөлт оруулах нь зүйтэй гэдэгт НИТХ-ийн Тэргүүлэгчид санал нэгдсэн байна.

“Орон нутгаас нийслэл рүү зорчигч тээвэрлэж буй бага, дунд, том оврын автобус шалган нэвтрүүлэх товчоогоор орохдоо хураамж төлдөггүй. Орон нутгаас нийслэлд ирж буй хүмүүсийг нийтийн тээврээр үйлчлүүлж, төлбөр хураамжийг давхардуулахгүй байхаар уг зохицуулалтыг хийсэн. Гэсэн ч өнөөдөр энэ нь үр дүн авчраагүй байна. Тиймээс болиулах хэрэгтэй” гэж Нийслэлийн ЗДТГ-ийн Санхүү, төрийн сангийн хэлтсийн дарга Э.Ганхүү хурлын үеэр хэлсэн байна. Түүний саналтай Тэргүүлэгчид санал нэгдсэн учир төлбөрийн хувь хэмжээг өөрчлөх судалгаа хийж, танилцуулах үүрэг өглөө.