Өмнөговь аймагт Н1N1 вирусээр 1 хүн нас барлаа

Өмнөговь Аймгийн хэмжээнд томуу, томуу төст өвчлөл газар авч байгаа бөгөөд БОЭТ-д хэвтэн эмчлүүлж байгаа эмчлүүлэгчдээс өнөөдрийнбайдлаар 1 хүн нас барсан тохиолдол гарлаа.

Хэвтэн эмчлүүлэгчдээс ХӨСҮТ-д 18 сорьц шинжилгээнд явуулсанаас 10 хүний сорьц шинжилгээгээр томуугийн H1N1 вирус илэрсэн учраас өнөөдөр аймгийн Онцгой комисс хуралдаж олон нийтийн арга хэмжээг зохион байгуулахыг хориглосон шийдвэрийг гаргалаа.

Иргэд өвчлөлөөс урьдчилан сэргийлэх, тархцыг багасгах үүднээс дараах арга хэмжээг авч хэрэгжүүлэх шаардлагатай байна. Үүнд
• Амны хаалт /маск/ хэрэглэж хэвших
• Халуурсан, томуугийн шинж тэмдэг илэрсэн тохиолдолд яаралтай эмнэлэгт хандах
• Халуун аарц, буцалгаа, амин дэмээр баялаг хоол хүнс хэрэглэх
• Олон нийтийн газруудаар явахгүй байх
• Ажлын байрны болон гэрийн агааржуулалт, халдваргүйжүүлэлтэд онцгой анхаарах
• Ариутгалын бодис хэрэглэх