Өсвөр насны хүүхэд бусдыг хутгалж, танхайрчээ

Нэгдүгээр сарын 11-ны өдөр Баянгол дүүргийн 21-р хороонд өсвөр насны буюу 15 настай эрэгтэй хүүхэд 20 настай иргэнийг нуруунд нь хутгалж гэмтээсэн хэрэг гарсан байна.

Хэрийг талаарх мэдээлэл тухайн өдрийн өдрийн 18.40 цагийн орчимд цагдаагийн байгууллагад иржээ. Баянгол дүүргийн цагдаагийн хоёрдугаар хэлтсийн машинт эргүүлийн алба хаагчид дуудлагын дагуу шалгахад Чингэлтэй дүүргийн арванхоёрдугаар хороонд оршин суух хаягтай О-гийн далны доод хэсэгт Сонгинохайрхан дүүргийн 31-р хороонд оршин суух хаягтай 15 настай эрэгтэй А хутгалж танхайрчээ. Хэрэг гарах болсон шалтгаан нөхцөлийг тодруулахад “Манай найз охиныг хэл амаар доромжиллоо” хэмээн бусдын биед үл ялих шалтгаанаар гэмтэл учруулжээ. Уг хэргийг одоогоор Баянгол дүүргийн цагдаагийн хоёрдугаар хэлтэст шалгаж байна.

СЭРЭМЖЛҮҮЛЭГ: Цагдаагийн байгууллагаас анхааруулахад өсвөр насны залуус биедээ хүйтэн зэвсэг авч явах нь  бусдын биед хохирол учруулах нөхцөл байдал үүсэж болзошгүй. Иймд  иргэн та өөрийн биедээ зэвсгийн чанарын зүйлийн авч явж тээвэрлэхгүй байхыг анхааруулж байна.