Нийгмийн даатгалын шимтгэл төлөлтийн лавлагааг цахимаар авна

1 min read

Арилжааны банк, Элчин сайдын яам, хууль шүүх, худалдан авах ажиллагааны газар зэрэгт санхүүгийн чадамжаа илтгэх зорилгоор нийгмийн даатгалын шимтгэл төлөлтийн лавлагаа авах шаардлага иргэдэд тулгардаг. Давхардсан тоогоор жилд 1.9 сая хүн уг лавлагааг авдаг байна. Ингэхдээ зөвхөн НДЕГ-аас цаасан лавлагаа авах эсвэл ТҮЦ машинаас авдаг байсан. Тэгвэл одоо уг лавлагааг www.ndaatgal.mn цахим хуудаснаас авах боломжтой болжээ. Лавлагаа авахад үнэ төлбөргүй мөн цаг хэмнэх давуу талтай аж.

Өнгөрсөн онд Нийгмийн даатгалын санд 1.8 их наяд төгрөг төвлөрүүлжээ. Мөн хугацаанд даатгалын үйлчилгээг 625 мянган иргэнд үзүүлж, зарлагыг санхүүжилтэд 1.6 их наядыг зарцуулсан байна. Үүнээс тэтгэвэрт 1481.1, тэтгэмжид 103.4 , ажилгүйдлийн тэтгэмжид 31.4 тэрбум төгрөг зарцуулжээ.

+ There are no comments

Add yours