Согтуурсан үедээ гарч яваад амь насаа алджээ

Согтуурсан үедээ гарч яваад амь насаа алджээ

Энэ сарын 28-ны өдрийн 19:00 цагт Өмнөговь аймгийн Баян-Овоо сумын Могойт багийн “Зайрмагтай” гэдэг газар Баянхонгор аймгийн харьяат эрэгтэй 40 настай Л нь “Самсунг” ХХК-ийн компанийн байрлалаас зүүн урд зүгт хоёр км-т байдаг иргэн О-гийнхоос согтуурсан үедээ гараад замдаа осгож нас барсан байна.

Тухайн иргэнийг сураггүй болсон тухай дуудлага, мэдээллийн дагуу тус сумын Засаг даргаар ахлуулсан орон нутгийн 20 хүн, гурван автомашин, “Самсунг” ХХК-ийн таван ажилчин, ар гэрийн дөрвөн хүн, нийт 30 хүн, таван автомашинтайгаар энэ сарын 30-ны өдрийн 16:30 цагаас эхлэн эрэн хайх ажиллагааг зохион байгуулжээ. Сураггүй болсон гэх 40 настай Л-ийн цогцсыг нэгдүгээр сарын 1-ний өдрийн 15:00 цагт тус багийн “Зайрмагтай” гэдэг газраас олж Цагдаагийн байгууллагад шилжүүлэн өгсөн аж.

Leave a Reply

Your email address will not be published.