ОХУ-аас манай улсад нийлүүлж буй шатахууны хилийн үнэ буурсантай холбогдуулан Аи 92 шатахууны үнийг энэ сараас эхлэн үе шаттайгаар бууруулахаар болсон. Тухайлбал, энэ сарын 7-нөөс  эхлэн Аи 92 автобензин улсын хэмжээнд 100 төгрөгөөр, 25-ны өдрөөс эхлэн дахин 100 төгрөгөөр бууруулах юм.

Тэгвэл энэ сарын 25-наас эхлэн Аи 80, Аи 92 автобензиний жижиглэнгийн үнэ Баян-Өлгий, Говь-Алтай, Баянхонгор аймгуудаас бусад аймагт 45-50 төгрөгөөр тус бүр буурсан талаар Ашигт малтмал газрын тосны газраас мэдээллээ. Түүнчлэн ирэх 1-нээс хилийн үнэ буурсантай холбогдуулан шатахууны жижиглэнгийн үнэ үе шаттайгаар буурах бололцоо бүрдээд байгааг ч тус газраас онцлов.

Дашрамд дурдахад, ОХУ-ын “Роснефть” компаниас нийлүүлж буй шатахууны хилийн үнэ өмнөх сартай харьцуулахад бүтээгдэхүүний төрлөөс хамааран тонн тутамдаа 86-107 ам.доллароор буурч, Аи-92 автобензин 531 ам.доллар, дизелийн түлш 599 ам.доллар болоод байгаа аж.

 

Leave a Reply

Your email address will not be published. Required fields are marked *

Previous post Өндөр настай аавыгаа зодож, амь насыг нь хохироожээ
Next post Зардал, тэнэгрэл, хийрхэл болгосон баярууд

More Stories