УИХ-ын даргыг огцруулах бичигт нийт 38 гишүүн гарын үсэг зураад байна. Эдгээр гишүүд УИХ-ын даргыг чөлөөлөгдөх хүртэл байнгын хороо, чуулганы хуралдаанд суухгүй гэж мэдэгдсэн билээ. Үүнээс үүдэн УИХ-ын үйл ажиллагаа гурван долоо хоногийн хугацаанд гацаанд ороод байгаа.
Тиймээс УИХ-ын гишүүн Т.Аюурсайхан Үндэсний аюулгүй байдлын зөвлөлийг хуралдуулах асуудлаар Ерөнхийлөгч Х.Баттулгад хандсан байна.
Тэрбээр хүсэлтдээ “УИХ-ын нэр бүхий 38 гишүүн буюу нийт гишүүдийн 50 хувиас дээш хувь нь 2018 оны 12 дугаар сарын 13-ны өдөр УИХ-ын дарга М.Энхболдыг тодорхой үндэслэлээр ёс зүйн хариуцлага хүлээж, чөлөөлөгдөх хүсэлтээ гаргатал УИХ-ын чуулганы нэгдсэн болон байнгын хорооны хуралдаанд оролцох боломжгүй тухайгаа УИХ-ын даргад хүргүүлээд байна. УИХ-ын гишүүдийн олонх нь чуулганы хуралдаанд суух боломжгүй болсноор УИХ-ын хэвийн үйл ажиллагаа тасалдах нөхцөл байдал үүсээд байна. Иймд Монгол улсын үндэсний аюулгүй байдлын зөвлөлийн тэргүүний хувьд үүсээд байгаа нөхцөл байдалтай холбогдуулан Үндэсний аюулгүй байдлын зөвлөлийг нэн даруй хуралдуулж зохих арга хэмжээ авна уу” ГЭЖЭЭ.
bi ene zaluud durgui bolsoon bussinesuudiig demjdgui zaluu bna leee