ЖАКАРТА. /BBC/. Индонезийн зүүн нутгийн Папуа мужид зэвсэглэсэн этгээд барилгын 24 ажилтан, цэргийн нэг албан хаагчийн аминд хүрсэн тухай тус улсын засаг захиргаанаас мэдээлэв.
Амь үрэгдсэн ажилтнууд Папуа мужийн алслагдмал, уулархаг “Ндуга” бүс нутагт зам, гүүр байгуулах ажилд оролцож байсан бол хэргийг мөрдөн шалгахаар очсон аюулаас хамгаалах хүчний ажилтнуудын нэг амиа алдсан ажээ. Цагдаагийн газрын ажилтнууд энэ хэрэгт салан тусгаарлагчдыг буруутгаж байгаа юм.
Салан тусгаарлагчид сүүлийн хэдэн арван жилийн турш Папуа мужийг тусгаар тогтнохыг уриалсаар ирсэн бөгөөд мужийн түүхэнд гарч байсан хамгийн аймшигт халдлагын нэг энэ болжээ.
+ There are no comments
Add yours