141 тэрбум төгрөгийн тамхи импортолжээ

Өнгөрсөн онд манай улс 2.9 тэрбум ширхэг тамхи импортолж, 141 тэрбум төгрөгийг зарцуулсан талаар статистик бий. Үүнтэй холбоотойгоор тамхины хэрэглээ манай улсад их байгааг олон судлаачид онцолдог. Тодруулбал, манай улсын насанд хүрсэн эрэгтэйчүүдийн 49.1, эмэгтэйчүүдийн 5.3 хувь нь тамхи татдаг. Түүнчлэн сүүлийн 10 жилд тамхинаас үүдэлтэй зүрх судасны эмгэгээр нас барах тохиолдол хоёр дахин нэмэгдсэнийг Хавдрын үндэсний зөвлөлийн судалгаа баталжээ. Мөн нас барж буй гурван хүн тутмын нэг нь зүрх судасны эмгэг, таван хүн тутмын нэг нь хорт хавдрын  улмаас болохыг тогтоожээ.  Мэдээж үүний хамгийн том шалтгаан нь тамхи бөгөөд үүнийг татварыг нэмэх замаар хуулиар зохицуулах боломжтойг салбарынхан хэлж байна.