Өнөөдрөөс банк хооронд гурван сая төгрөгийн гүйлгээ ямарч хүлээлтгүй шилждэг болж байгааг Монголбанкнаас мэдээлсэн байна. Тодруулбал, өмнө нь банк хоорондын гүйлгээ нэг сая төгрөг дотор хүлээлтгүй хийгдэж, харин нэг сая төгрөгөөс дээш төгрөгийн гүйлгээ 2-3 цагийн хүлээлттэйгээр шилждэг байсан аж.
Түүнчлэн 14 цагаас хойш нэг сая төгрөгөөс дээш гүйлгээ хийхэд дараагийн өдрийн 11 цагаас өмнө ордог байсан бол өнөөдрөөс банк хооронд гурван сая төгрөгийн гүйлгээ хийхэд ямар нэгэн хүлээлтгүйгээр дансанд мөнгө шууд орохоор зохицуулжээ.
Банк хоорондын гүйлгээг давхар Монголбанк хяналт тавьж ажилладаг ч гурван сая төгрөгийн гүйлгээг 3-4 секундын хугацаанд хянаж, гүйлгээ богино хугацаанд хийх боломжтой юм байна.
+ There are no comments
Add yours