Галын дуудлага нэмэгджээ

Хүйтэн сэрүүний улирал эхэлж, галлагаанд орсонтой холбоотойгоор ОБЕГ-т галын дуудлага эрс нэмэгджээ. Өчигдөр улсын хэмжээнд галын нэлээд хэдэнд дуудлага бүртгэгджээ. Тодруулбал:

Увс аймгийн Улаангом сумын хоёрдугаар багт цэцэрлэгийн /40 хүүхдийн багтаамжтай, хувийн/ нам даралтын зуухны байр шатаж байна гэсэн дуудлагыг арваннэгдүгээр сарын 19-ний өдрийн 21:27 цагт хүлээн авч тус аймгийн Онцгой байдлын газрын Гал түймэр унтраах, аврах 41 дүгээр ангийн зургаан алба хаагч, нэг автомашинтай 2 км замыг туулан 21:29 цагт очиж, нам даралтын зуухны 4х5 метрийн хэмжээтэй байрны дээврийн хэсэг шатаж байсныг 40 минут ажиллаж унтраасан.

Хувийн өмчид гарсан: Нийслэлийн Баянгол дүүргийн наймдугаар хороонд граж шатаж байна гэсэн дуудлагыг арваннэгдүгээр сарын 19-ний өдрийн 10:09 цагт хүлээн авч Чингэлтэй дүүргийн Онцгой байдлын хэлтсийн Гал түймэр унтраах, аврах аравдугаар ангийн зургаан алба хаагч, нэг автомашинтай 4 км замыг туулан 10:17 цагт очиж, 3х4 метрийн хэмжээтэй манаачийн байрны хаалга шатаж байсныг  20 минут ажиллаж унтраасан.

Баянхонгор аймгийн Баянхонгор сумын Угалз багт байшин шатаж байна гэсэн дуудлагыг арваннэгдүгээр сарын 19-ний өдрийн 11:51 цагт хүлээн авч тус аймгийн Онцгой байдлын газрын Гал түймэр унтраах, аврах 16 дугаар ангийн долоон алба хаагч, хоёр автомашинтай 1.7 км замыг туулан 11:56 цагт очиж, 4х6 метрийн хэмжээтэй байшингийн дээврийн хэсэг шатаж байсныг 17 минут ажиллаж унтраасан.

Хэнтий аймгийн Хэрлэн сумын дөрөвдүгээр багт гэр шатаж байна гэсэн дуудлагыг арваннэгдүгээр сарын 19-ний өдрийн 15:36 цагт хүлээн авч тус аймгийн Онцгой байдлын газрын Гал түймэр унтраах, аврах 32 дугаар ангийн зургаан алба хаагч, нэг автомашинтай хоёр км замыг туулан 15:38 цагт очиж, дөрвөн ханатай гэр шатаж байсныг 4 минут ажиллаж унтраасан.

Сүхбаатар дүүргийн есдүгээр хороонд автомашин угаалгын газарт гал гарч байна гэсэн дуудлагыг арваннэгдүгээр сарын 19-ний өдрийн 20:49 цагт хүлээн авч Чингэлтэй дүүргийн Онцгой байдлын хэлтсийн Гал түймэр унтраах, аврах аравдугаар ангийн найман алба хаагч, хоёр автомашинтай 2 км замыг туулан 20:55 цагт очиж, 15х14 метрийн хэмжээтэй авто угаалгын газрын ариун цэврийн өрөөний хана шатаж байсныг 20 минут ажиллаж унтраасан.

Баянзүрх дүүргийн аравдугаар хороонд байшин шатаж байна гэсэн дуудлагыг арваннэгдүгээр сарын 19-ний өдрийн 20:51 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар  ангийн долоон алба хаагч, хоёр автомашинтай таван км замыг туулан 21:01 цагт очиж, 8х8 метрийн хэмжээтэй байшингийн дээврийн хэсэг шатаж байсныг 10 минут ажиллаж унтраасан.