Гадаад худалдааны нийт бараа эргэлт 2018 оны эхний есөн сард 9.63 тэрбумам.долларт хүрч, өнгөрсөн оны мөн үеийнхээс 24.9 хувиар буюу 1.9 тэрбум ам.доллараар өссөн байна. Энэ нь экспорт импортоос давамгайлж экспорт, импортын зөрүү 931.7 сая ам.доллараар эерэг гарсан гэсэн үг аж.

Монгол Улс 2018 оны эхний есөн сард дэлхийн 151 улстай худалдаа хийснээс 71 улсад бараагаа экспортолж, 149 улсаас гарал үүсэлтэй барааг импортолсон байна.

Экспорт 5.3 тэрбум ам.долларт хүрч, өнгөрсөн оны мөн үеийн гүйцэтгэлээс 699.9 сая ам.доллараар буюу 15.3 хувиар өссөн байна.

Экспортод гарсан өөрчлөлтийг Барааг тодорхойлох, кодлох уялдуулсан систем(БТКУС)-ийн барааны 21 хэсгээр авч үзвэл 10 хэсгийн барааны үнийн дүн өссөн байна. Эрдэс бүтээгдэхүүний экспорт 888.6 сая ам.доллараар, нэхмэлийн материал болон нэхмэл эдлэлийн экспорт 69.1 сая ам.доллараар тус тус өссөн нь экспортын өсөлтөд голлон нөлөөлжээ.

Leave a Reply

Your email address will not be published. Required fields are marked *

Previous post Цагдаагийн Авто баазад парк шинэчлэл хийх шаардлагатай гэв
Next post Экспортолсон чулуун нүүрсний 99.1 хувийг БНХАУ-руу гаргажээ

More Stories