0.7 га газраа өмчлөхөд ямар материал бүрдүүлэх вэ

Монгол Улсын иргэн гэр бүлийн хэрэгцээний зориулалтаар газрыг нэг удаа үнэгүй өмчилж авах эрхтэй гэж Газар өмчлүүлэх тухай хуульд заасан байдаг. Энэхүү хуулийн хугацаа ирэх тавдугаар сарын нэгэнд дуусах тул нийслэлийн Газрын албанаас иргэдэд газраа үнэгүй өмчлүүлэхэд нь дэмжлэг үзүүлэхээр нэг сарын хугацаатай аяныг санаачилжээ. Иргэн газар эзэмших эрхийн гэрчилгээтэй, ямар нэгэн зөрчилгүй бол газраа өмчлөх боломжтой аж. Харин суурьшлын бүсийн гадна байрлаж буй бол шинээр газар олгохгүй.

[su_box title=”Ямар материал хэрэгтэй вэ” style=”glass”]Газар өмчилж авахыг хүссэн өргөдлийн нэгдүгээр маягтыг дүүргийнхээ Газрын албанаас авч бөглөнө,

Газар эзэмших эрхийн гэрчилгээний эх хувь

Иргэний үнэмлэхийн хуулбар

Хорооны Засаг даргын хаягийн тодорхойлолт Кадастрын зураг[/su_box]

Үүнээс гадна орон нутагт 5000 м2 хүртэлх газрыг үнэгүй өмчлөх боломжтой юм. Ингэхдээ орон нутагт газар өмчлөх хүсэлтэй нийслэлийн иргэд Дүнжингарав, Мишээл, Драгон, Оргил төвд байрлах нийслэлийн Газрын албаны цонхноос “Улаанбаатар хотод газар өмчлөөгүй” гэсэн тодорхойлолтыг авч тухай орон нутгийн газрын асуудал эрхэлсэн байгууллагад хандах юм. Ингэснээр орон нутагт 5000 хүртэлх м2 газрыг өмчлөх эрхтэй болно гэж Нийслэлийн газрын албанаас мэдээллээ.