Үндсэн хуулийн цэцийн дүгнэлт

УИХ-ын гишүүн зөвхөн гэмт хэрэг үйлдэж байхдаа буюу хэргийн газарт нотлох баримттайгаар баривчлагдсан тохиолдолд л бүрэн эрхийг нь түдгэлзүүлэх тухай заалт нь Үндсэн хуультай зөрчилдөж байна гэж үзэн хуульч Б.Мэргэн, М.Ариунболд, Э.Хашчулуун нар Цэцэд гомдол гаргасан.

Уг гомдлын дагуу Үндсэн хуулийн Цэц өнөөдөр Их суудлын хуралдаанаа хийсэн юм. Цэцийн есөн гишүүн дөнгөж сая шийдвэр танилцууллаа. Цэцийн гишүүд УИХ-ын гишүүний халдашгүй байдлын тухай дээрх заалт нь Үндсэн хуультай зөрчилдөж байна гэж үзжээ. Ингэснээр УИХ-ын тухай хуулийн дээрх заалт хүчингүй болж байна. Иргэн бүр хууль, шүүхийн өмнө тэгш эрхтэй байх Үндсэн хуулийн агуулгатай зөрчилдөж байгааг Цэцийн гишүүд онцоллоо. Мөн өмнө нь яг ийм агуулгатай заалт УИХ-ын тухай хуульд байсан бөгөөд Цэцэд гомдол ирсний дагуу хэлэлцэн хүчингүй болгож байжээ. Гэвч УИХ 2016 онд хуульд дахин өөрчлөлт оруулахдаа өмнөх заалтаа агуулгаар нь сэтгээн баталсан гэж Цэц дүгнэлээ.

С.Сүрэн