Авлигатай тэмцэх газраас яам, агентлаг, нийслэл, дүүргийн төрийн байгууллагын албан хаагчдад Авлигатай тэмцэх үндэсний хөтөлбөрийг сурталчлан таниулах ажлыг зохион байгуулдаг уламжлалтай.
Энэ ажлын хүрээнд өнгөрсөн долоо хоногт Авлигатай тэмцэх газрын ажлын хэсэг нь Багахангай дүүрэгт ажиллаж дүүргийн Засаг дарга С.Эрдэнэбаяр, Тамгын газрын дарга Э.Эрдэнэтуяатай уулзаж ажлын удирдамж чиглэл зорилгоо танилцуулсан байна. Тус ажлын хэсэг Дүүргийн Засаг даргын гаргасан захирамж, шийдвэр, дүрэм журмыг хянан үзэж, иргэд, аж ахуйн нэгжээс ирүүлсэн гомдол мэдээллийн шийдвэрлэлт, төсөв, худалдан авах ажиллагаатай холбоотой баримт бичигтэй холбогдох хуульд заасан журмын дагуу танилцжээ. Мөн дүүргийн 30 гаруй удирдах албан тушаалтан болон нийтийн албан хаагчдад “Авлигатай тэмцэх үндэсний хөтөлбөр” болон Ашиг сонирхлын зөрчлийн тухай хуулийн талаар мэдээлэл, сургалтыг зохион байгууллаа.
+ There are no comments
Add yours