‘ХУРЦ’ асуудлаа хаалттай хэлэлцмээр юм 

Юу нь хурц вэ гэж үү. Улсын нууц, гадаад бодлого юм гэж мөхөс би бодно. Тагнуулын даргыг гадаад руу цөлөх тухай хурлын “хурц” нь юу байв? Хойд Солонгос. Дэлхий тэр чигтээ Хойдын эсрэг хориг тавьж байхад харин Монгол улс зэвсэг нийлүүлдэг гэсэн утга бүхий мэдээлэл алдагдлаа ш дээ. Батлан хамгаалахын сайд нь хойд солонгостой зэвсгийн наймаа хийсэнг ТЕГ-ын дарга нь хэлнэ гдг ноцтой. Хойдыг тууштай эсэргvvцдэг Емнед Солонгос, Япон, АНУ юу гэж харах уу. Энэ мэдээлэл манай гадаад харилцаанд сөргөөр нөлөөлж болзошгүй. Хэрэв Хурцыг гишүүд өдөж хоргоогоогүй бол тэр хариу базалт хийхгүй байсан. Хэрэв хаалттай хуралдсан бол бид мэдэхгүй байсан. Ер нь асуудал Хурцад биш ярихын дон туссан эрхэм гишүүдэд, тэдний балай хэрүүл улс орон даяар шууд цацагддагт л байгаа юм. Үзээд суудаг нь зөвхөн Монголчууд биш ээ. Манай улсад суугаа бүх элчин сайдын яам ажиглана. Тэд өөрийн орны нэр дурдагдсан үг болгоныг анхаарч үзнэ. Тэр тусмаа парламентын засаглалтай тул гишүүдийн байр суурийг анхааралтай ажиглана. Энэ хагархай хэнгэрэг шиг байдал гадагшаа ямар мессеж өгдөг юм бол доо. Хурцыг элчин томилох тухай байнгын хорооны хурал бол ердөө жишээ. Ер нь УИХ-ын чуулганыг ажиглаад байхад бусад орнуудын нэрийг зарлаж байгаад, өөрсдийн булхиа, алдаа завхрал, хэрүүл хараалаа хийх нь олон байх юм. Нэг удаа засгийн газрын хэвлэлийн албаны дарга асан Otgonbayar Gombojav ах чуулганы хуралдаан бүрийг “шууд” дамжуулдаг аа болих хэрэгтэй гэж байсныг би бүрэн дэмждэг. Отгонбаяр ахын тэр нийтлэл байвал линкээр нь тавих юмсан. Хаах юм аа хаах хэрэгтэй. Манайх шиг цөөхөн хүн амтай, эмзэг эдийн засагтай, төрийн тогтворгүй байдалтай улс далан булчирхайгаа ил цагаан тоочоод байх нь зөв юм уу. Энэ гишүүд чинь үнэхээр улсаа бодоод байна уу, оноо л авах гээд байна уу. Ингэж өдөр шөнөгүй шүлсээ үсэргэх нь гадаад талаас гадна дотооддоо, нийгэмдээ ямар хортой вэ? Ямар сэтгэл зүй бэлдэж байна вэ?