Замын цагдаагийн албанаас Энхтайваны өргөн чөлөө зүүн 4 замаас баруун 4 зам хүртэл зүүн эргэлтийг хязгаарлах шийдвэр хэрэгжсэнээс хойшхи хоёр хоногийн үр дүнг   танилцууллаа. Уг шийдвэрийн хүрээнд 11 дүгээр сургууль, Цэцэг төв, Төв шуудан, Гадаад харилцааны яам, Багшийн дээд, Бөхийн өргөө, Зүүн 4 зам гэсэн 7 уулзвараар зүүн эргэхийг хориглосон билээ.

Замын цагдаагийн албаны дарга, дэд хурандаа Б.Эрдэнэбатын танилцуулснаар зүүн эргэхийг хязгаарласнаар уулзвараар тээврийн хэрэгслийн нэвтрэх чадвар нэмэгдэж, замын ачаалал эрс буурчээ.
Тухайлбал, зүүн 4 замын уулзвараар наймдугаар сарын 14-ний өдөр нэг цагт 6830 тээврийн хэрэгсэл нэвтэрч байсан бол наймдугаар сарын 15-ны өдөр цагт 7400 тээврийн хэрэгсэл нэвтэрсэн байна. Зүүн эргэлтийг хязгаарласантай холбоотой нийт 25 цэгт 07-21 цагийн хооронд 37 албан хаагч замын хөдөлгөөний аюулгүй байдал, зүүн эргэхийг хориглосон шийдвэртэй холбоотойгоор  зохицуулалт хийн ажиллаж байгаа аж.

Д.Думаа

Leave a Reply

Your email address will not be published. Required fields are marked *

Previous post Сондгой тоогоор төгссөн машинууд маргааш замын хөдөлгөөнд оролцохгүй
Next post Хилийн чандад сурч байгаа оюутнууд чуулна

More Stories