Эрчим хүчний ҮЭХ-с өнөөдрөөс эхлэн ажил хаялт зохион байгуулахаа мэдэгдсэн. Үүнтэй холбоотойгоор өчигдөр орой Эрчим хүчний сайд Б.Найдалаа мэдэгдэл гарган “галыг түр намжаажээ”.
Мэдэгдэлд, Эрчим хүчнийхний цалингийн санг долоодугаар сарын 1-нээс 10 хувиар нэмнэ гэжээ.
Үүнд, 7-р сарын 1-ээс 10%-иар нэмэгдэх айл өрхийн эрчим хүчний тарифийн нэмэгдлээс Төрийн өмчит компаниудын ажилчдын цалинг 10 хувиар нэмэгдуулэх, дараагийн 9-р сард нэмэгдэх дулаан, эрчим хүчний үнэ тарифын шинэчлэлтэй уялдуулан өөрчлөхөөр ажиллаж байна гэжээ.
Ийнхүү сайд Б.Найдалаа болон ТӨК-иуд айл өрхийн цахилгаан дулааны тарифийг дахин дахин нэмж, 3,5 сая төгрөгийн цалингаа голсон ажилчид болон сарын 54 сая төгрөгний цалинтай төрийн өмчит компаниудынхаа захирлын цалинг тавихаар шийдвэрлэжээ
