Гурван секунд “МӨНГӨ” хаясаар байх уу?

Бид ундаагаа ууж дуусаад савыг нь хогийн сав руу шидэхэд ердөө 3-хан секунд зарцуулдаг. Тэр хуванцар сав байгаль дээр устаж үгүй болох гэж 450 гаруй жил хөрсөнд булагдаж, байгалийг бохирдуулж, эцэст нь тэр агаараар бид амьсгалж, эрүүл мэндээ хохироосоор байдаг нь нууц биш юм. Тэр жижигхэн сав ийм их хор хөнөөл дагуулдаг байтал бид хэрэглэсээр, хог болгож хаясаар байдаг.

Гэтэл тэр хуванцар сав ганцхан эрүүл мэнд биш таны халаас руу ч бас өнгийсөөр байдгийг та мэдэх үү. Энэ хугацаанд таны халааснаас хог ачилтын мөнгө, эсвэл СӨХ-ийн төлбөр дээр бодит хэлбэрээр “дахин дахин” зардал нэхсээр байдгийг та анзаарсан уу

Монгол хүн бүр жилд дунджаар 137.58 кг хуванцар хаяж байгаа нь биднийг дэлхийд 9-р байранд жагсааж байна. Энэ бол зөвхөн байгаль орчны асуудал биш, бидний халааснаас гарч урсаж буй бодит зардал юм.

“Хоосон агаар” ачуулж, зардлаа нэмсээр байгааг мэдээгүй юу? ПЭТ хог биш хөрөнгө оруулалт байсан гэж үү?

Шахаагүй хуванцар сав хогийн бункерийн зайг хий дэмий эзэлж, ачилтын тоог олшруулснаар хэд дахин зардал гаргаж байгаа гэдгийг та мэдэх үү. Барагцаалвал:

4 гишүүнтэй нэг айл жилд дунджаар 1,500 орчим ПЭТ сав гаргадаг. Хэрэв эдгээр савыг шахахгүй хаявал 2,250 литр ‘хоосон агаар’-ыг ачуулж байна гэсэн үг. Энэ нь танай хотхоны хогны машины 1/4 зайг зөвхөн танай айлын шахаагүй савнууд эзэлж, СӨХ-ийн зардлыг хий дэмий өсгөдөг. Хэрэв саваа шахаж, ангилан тушаавал жилд 25,000 – 40,000₮-ийг зөвхөн уусан ундааныхаа савнаас ‘бэлнээр’ буцаан авах боломжтой.”
СӨХ (180 айл)-ийн ПЭТ тооцоолол:
• Жилийн тоо ширхэг: 1,500×180=270,000
Жилийн жин: 7.5 тонн цэвэр ПЭТ.
Буцааж авах хөрөнгө: Хэрэв СӨХ эдгээр 7.5 тонн савыг тушаавал жилд 3.5 – 4.5 сая төгрөгийн бодит орлогыг “хогноосоо” босгож, түүгээрээ хотхоныхоо камержуулалт, тохижилтыг шийдэж болно.

Орон сууцны хотхон (180 айл): Сард ойролцоогоор 3 удаа хог ачуулахад жилд 7.2 сая төгрөг зарцуулдаг. Хэрэв оршин суугчид саваа шахаж хэвшвэл ачилтын зардлаас жилд 4.2 сая төгрөг хэмнэж, хотхоныхоо тохижилт, хүүхдийн талбайдаа хөрөнгө оруулах боломжтой. Энэ бол таны буцаагаад авах боломжтой “бодит хөрөнгө” юм.
Албан байгууллага : 180 ажилчидтай байгууллага өдөрт дунджаар 100 орчим сав хаядаг. Энэ нь жилд 750 кг цэвэр ПЭТ түүхий эд юм. Үүнийгээ ангилан тушааснаар жилд 1.4 сая төгрөгийг байгууллагынхаа дотоод хэрэгцээнд зарцуулах нөөцийг “хогноосоо” босгож байна.

“180 ажилчидтай нэгхэн байгууллага өдөрт 100-хан сав ангилахад л жилд бараг нэг тонн пластикыг байгальд хаяхаас аварч чадна.”

Гэр хороолол: Иргэд гудамжаараа нэгдэн “Төвлөр” апп ашиглан саваа тушааж, өрхийн хэрэглээний талх, сүүний мөнгөө олж байна. Энэ нь хашаанд хог овоорох асуудлыг шийдээд зогсохгүй, хөрсөө 450 жилийн бохирдлоос хамгаалж буй хэрэг юм.
Сургууль, цэцэрлэг: Хүүхэд бүр ПЭТ саваа ангилбал, тушаасан орлогоороо ангийнхаа номын санг баяжуулах эсвэл шинэ компьютер авах санхүүжилтийг өөрсдөө бүрдүүлж болно.

Баялгийн гүүр: Save Earth Save Life ба TML Plastic

Таны ялгаж хаясан тэрхүү савыг “Save Earth Save Life” (SESL) компани Улаанбаатар хотын 1,540 харилцагч цэгээс тогтмол цуглуулан тээвэрлэж байна. Энэхүү баялгийг “Ти Эм Эл Пластик” (TML Plastic) үйлдвэр Европын SOREMA болон EREMA технологиор 24 дамжлагаар дамжуулан ариутгадаг.

Нарийн ангилалт: Металл ялгагч болон мэргэжлийн гар ялгалт хийж чанарыг дээд зэргээр хянана.
100% Ариутгал: Өндөр хэмийн угаалгаар бүх төрлийн нян, вирусыг устгана.
Бодит хүчин чадал: Жилд 20,000 тонн хуванцар дахин боловсруулах чадалтай энэ үйлдвэр Монголын бүх ПЭТ хаягдлыг бүрэн боловсруулах боломжтой.

Байгальд хог үлдээхгүй учир эрүүл мэндээ хамгаална!

Хамгийн гол нь таны тушаасан сав үйлдвэрт очоод устдаггүй, харин эргээд 100% PET үрэл болж, улмаар цоо шинэ ундааны сав болон хувирдаг.

Таны уусан сав ариутгагдаад дараагийн хүний барих шинэ сав болон “дахин төрдөг”. Лабораторийн нарийн хяналт нь дахин боловсруулсан савыг шинэ савнаас ч илүү аюулгүй, эрүүл ахуйн стандартад нийцүүлдэг.